Версия для слабовидящих
Бүгүн, балаҕан ыйын 9 күнүгэр, СӨ үөрэх уонна наука миниистирэ Ирина Любимова “Тэтим” араадьыйаҕа “Бастакы ыалдьыт” биэриигэ кытынна.
Биэрии сүрүн тиэмэтинэн Учууталлар уонна педагогическай общественность XIV съеһэ уонна Педагогическай декада буолла. Ону таһынан, бу сылга үөрэх өттүнэн туох үлэ барбытын уонна Саха Өрөспүүбүлүкэтигэр үөрэх кыһаларыгар туох саҥа сүүрээн киирбитин туһунан ырытыы ааста.
“XIV съезд сүрүн сыалынан региональнай политикаҕа үөрэхтээһин тутаах хайысхаларын быһаарыы буолар. Инньэ гынан, съезкэ үөрэх сайдыытын түмүктэрин: ситиһиилэри, соруктары, сүрүн хайысхалары ырытыахпыт. Саха Өрөспүүбүлүкэтигэр үөрэхтээһин 2032 сылга диэри сайдыытын сүрүн хайысхаларын дьүүллэһиэхпит, ону таһынан, киэҥ хабыылаах, быыстала суох үөрэхтээһини уонна оҕолор талааннарын салайыы биир уопсай экосистема сайдыытын быһаарсыахпыт”, – диэн бэлиэтээтэ Ирина Павловна.
СӨ үөрэххэ уонна наукаҕа министиэристибэтин Пресс-сулууспата