Версия для слабовидящих
Тохсунньу 25 күнүгэр «Тэтим» радио быһа эпииригэр 2023 сылга педагог уонна уһуйааччы сыла хайдах ааһыай, туох сүрүн тэрээһиннэр буолалларын туһунан Саха өрөспүүбүлүкэтин Үөрэх уонна наука миниисттрин солбуйааччы Владимир Иванович Тихонов сиһилии билиһиннэрэн кэпсээтэ.
Учуутал үлэтин сайыннарарга уонна учуутал статуһун көтөҕөргө сыл ахсын араас тэрээһиннэр буолалларын туһунан эттэ. Уһуйааччы туһунан этэр буоллахха Россия таһымыгар 2019 сылтан уһуйааччы диэн кимин чопчулуур үлэ саҕаламмытын туһунан кэпсээтэ. Россия үөрэҕириитин миниистирэ Сергей Кравцов уураах таһаарбытынан учууталга кумааҕы үлэтин аҕыйатан оҕону кытта улэлииригэр бириэмэтэ олуччу тиийбэтин туһунан бэлиэтээтэ.
Быйыл 2023 сылга педагог уонна уһуйааччы сылынан Ил Дархан уурааҕынан 36 бастыҥ уһуйааччылар 100 тыһыынча харчынан наҕараадаланалларын туһунан, бу улэ хайдах барарын туһунан кэпсээтэ.
Учуутал үлэтин статуһа көтөҕүллэригэр уонна Саха сирин кадровай хааччыйыы өттүтүгэр психолого– педагогическай хайысхалаах кылаастар үлэлии туралларын биллэрдэ. 2024 сыл бутүэр диэри 70 кылаас үлэҕэ киирэрэ былааҥҥа турар.Бу профильнай кылаастары бүтэрбит үэрэнээччилэр сиһилии педагогическай хайысхалаах үрдүк үөрэххэ киирэллэригэр чэпчэтии ылыахтара.
Тыа сиригэр чуолаан хоту улуустарга учууталлар үлэлииллэригэр дьиэ-уот боппуроһа быһаарылларыгар «Арктика учуутала» уонна «Земскай учуутал» программалар үлэлии туралларын бэлиэтээтэ. Ол курдук 2022 сылга 27 учуутал судаарыстыбыннай өйөбүл ылла онтон 2023 сылга 30 квота бэриллэрэ былааҥҥа турар.
Педагог уонна уһуйааччы сыла тохсунньу 30 күнүгэр интэриэһинэй тэрээһиннэрэ буолалларын туһунан биллэрдэ. Ол курдук Педагог уонна уһуйааччы сылын үөрүүлээхтик аһыы, Россия наруодунай учууталын Виктор Потаповы чиэстээһин буолуоҕа. Бу тэрээһиннэри Саха Сирин олохтоохторо тохсунньу 25 күнүгэр киэһээ 17 чаастан НВК Саха ханаалыгар көрүөхтэрэ.
Быһа эпиир түмүгэр Владимир Иванович студияҕа эрийэн тиийбит радиону истээччилэр интэриэһиргиир ыйытыыларыгар эппиэттээтэ.
Үөрэх уонна наука министиэристибэтин пресс-сулуусбата